吼平貨預約睇樓反彈
近期二手屋苑業主出貨意欲轉強，準買家紛紛伺機「執平貨」，帶動睇樓量回升。代理數據顯示，今、明兩日全港50個指標屋苑預約睇樓量達2,675組，按周回升3.7%，終止連跌四周頹勢。而期內藍田滙景花園錄20組預約睇樓，按周躍升33%，升幅為眾屋苑之冠，另租客睇樓比例則按周增1.3個百分點至23.5%。
滙景睇樓多33%
據利嘉閣資料，按區分析，今、明兩日港、九、新界三區的指標屋苑預約睇樓量均按周同期上升，其中，新界區升幅最為明顯，達4.4%，共錄得1,060組預約睇樓，原因之一是該區平盤較多，議價空間較大，對準買家吸引力較大，如期內大圍金獅花園共有25組，按周同期增25%。
若以屋苑劃分，上述滙景花園預約睇樓情況明顯轉旺，今、明兩日共有約20組預約睇樓，按周上升33%，客源以換樓客及租客為主，分別佔整體45%及40%。
另外，期內深井碧堤半島預約睇樓量按周同期增14%至40組。
樓價指數漲0.38%
儘管近期市場屢錄撻訂及減價等個案，惟部分優質盤亦能維持叫價水平成交，支持樓價企穩。據中原研究部資料，截至上月二十八日，中原城市領先指數最新報88.58點，按周微升0.38%外，亦創九七年十一月九日後超過13年後的新高，按月則上升1.97%，該行預期，該指數只會短暫調整，跌幅輕微，或是高位反覆橫行。