睇番堡獅龍炒起嘅理由，不外乎零售市道興旺、業績理想、股價落後，呢幾點英皇鐘錶都有晒。內地豪客大量來港消費，珠寶鐘錶都係佢哋shopping list上嘅重要項目，英皇鐘錶當然受惠。集團今年上半年度，盈利上升92.2%至9,827萬元，而下半年既有「十‧一」黃金周，仲有聖誕新年旺季，未來業績表現真係唔使擔心。截至六月底集團之銀行結餘及現金為4.29億元，資本負債比率僅7.8%，財政實力相當穩固。
股價走勢上，英皇鐘錶上月升至1.38元後持續整固，並無參與近期零售股的升浪，昨日微升0.01元，收報1.22元，一旦發力，相信不難創新高，目標睇1.45元，止蝕1.1元。
詩詩