查實國安基金已經成立咗10年，上次出手就喺○八年最後嗰幾個月，當時政府立志救市，好快就穩住大市。到大市升番，大家又討論點樣套現，仲有人提議學香港搞番個盈富基金（02800）添。
有備無患隨時救市
國安基金喺今年三月開始出貨，到八月底全部清貨，總計獲利337億元新台幣，連埋派股、分紅，獲利率超過55%，可以話係最成功嘅一次滅火行動；連同基金之前3次救市，已經為庫房帶嚟過百億港元嘅進帳。國安基金始終係臨時工具，應該留住咩？陳冲就將基金妙喻為滅火筒，「冇人想用，因為一用就表示有火燭。但有備無患，擺支喺屋企，到金融市場失靈嗰時就可以攞嚟用。」咁樣派定心丸咪高招囉！
余絲韻