料套九千萬賺8.6倍
華誼去年喺深圳創業板上市，今年十一月初有1.36億股限售解禁，包括馬雲所持嘅2,000多萬股，依家佢只係減持咗300萬股，按當日華誼交易價30.04元（人民幣‧下同）計算，佢減持300萬股可套現超過9,000萬元，內地媒體幫馬雲計咗佢持股嘅平均成本，今次佢嘅回報係8.64倍！絲絲記得馬雲去年減持阿里巴巴股份時，佢嘅解釋係「給自己、家人一點小小的階段性成就感」。斷估佢唔會好似另一家科網公司主席咁，話減持係因為私人財務安排，皆因咁講或多或少會引嚟猜疑，而以「改善生活」或者「階段性成就感」做減持理由，成件事睇嚟就高層次好多。
余絲韻