信用卡市場競爭激烈，銀行為搶客而推出嘅優惠亦層出不窮，要留住客戶真係要花啲心思。好似工行（01398）就搞咗個「工行回饋禮──歡樂香港行」推廣活動，日前舉行嘅啟動儀式請咗好多猛人出席，加埋工行高端信用卡客戶共有成超過500人，當晚仲請咗歌星助興，場面熱鬧。
今次呢個大型推廣活動係由十一月二十九日至明年一月底止，期間喺香港以工行信用卡碌卡消費，可享有200幾家指定商戶嘅特別優惠，當中包括「優質旅遊服務」計劃認可商戶、海港城及時代廣場商戶合共超過1,000間門店，碌卡仲可以參加消費獎勵，消費金額排前500名嘅客戶會得到工行精美禮品。工行亦會邀請喺去年十月至今年九月消費額較高嘅客戶來港觀光購物，咁就可同時帶動本港旅遊業，真係一舉兩得。
余絲韻