港股上周五又跌過，雖然暫時未話有資金流出情況，但都不能掉以輕心。「炒股唔炒市」成為咗呢期股民嘅共識，本地時裝股就成為上周五焦點，漢登（00448）升14.9%，而上周三急升逾兩成嘅鱷魚恤（00122），周四抖一抖，周五又再嚟料，升13.3%，收報0.85元。
其實嚴格來說，鱷魚恤已不算時裝股，因物業收益佔盈利逾八成，但撇開資金炒作因素，單睇基本質素，鱷魚恤亦一樣唔輸蝕。集團剛公布的年度業績，錄得盈利1.66億元，增長17%，每股盈利26.49仙，即係話經過兩日急升後，現價市盈率亦只係3.2倍，相對每股資產淨值1.45元，更有多達四成折讓。睇番其他時裝股，PB閒閒哋一、兩倍，鱷魚恤可謂大落後，不排除有被私有化嘅機會。
就算唔同時裝股比，睇吓同樣由轉行嘅永安（00289）目前NAV一樣有約四成折讓，但PE有6倍，鱷魚恤就算用極保守嘅4倍計，已可見1元。
詩詩