大陸嘅經濟發展模式有「三高」好出名，其中一高就係高污染，好多時候唔少地方為咗經濟發展，保護環境嘅標準就定得好低，搞到啲空氣差晒，啲懸浮物仲飄晒嚟香港，搞到好少見到藍天。彭博就話，以前內地淨係掛住就業及經濟發展，其他就乜都唔理，依家突然意識到條河嘅水已經搞到唔飲得，空氣差到可以殺人，所以都要努力啲改善番個環境。
港空氣差到迷路
彭博話佢當年租咗架直升機嚟香港，點知喺新界迷失咗路，搞到要低飛到差唔多棵樹咁矮嘅地方先搵得番條路，真係夠晒驚險。咁就係喇，如果內地肯正視污染呢個問題，我哋嘅空氣就會好好多啦。
余絲韻