幫助農民自力更生
法國農業信貸喺一八九四年成立嘅時候，主要係以合作社形式為農民提供農業貸款，據講每10個法國農民中，有9個都係幫襯佢哋㗎！「小母牛」幫助嘅對象亦係農民，幫佢哋購買牲口，除咗買母牛之外，仲有綿羊、豬及蜜蜂等，「小母牛」仲會教農民畜牧，令到農民可以自力更生。據東方匯理銀行亞洲CEO顧君賢話，呢種「傳遞禮品」嘅意念好符合公司一直與客戶發展長遠關係嘅理念，所以要多謝「小母牛」畀公司一個機會履行社會責任喎。
自○七年起東方匯理已經與「小母牛」喺雲南合作過一次，今次東方匯理會與「小母牛」合作幫助四川農民，令佢哋都可以透過自食其力而脫貧。
余絲韻