《華爾街日報》嚴選出今年200家亞洲最受尊崇跨國企業，手執科技界創新牛耳嘅蘋果公司成功「冧莊」，問鼎今年亞洲最受尊崇跨國企業榜首，緊隨其後嘅分別係科技業翹楚Google同埋微軟。事實上，喺今年「十大最受尊崇跨國企業」入面，淨係科技業已經雄霸其中八個席位，可謂「威到盡」。
除咗上述3家公司之外，今年「十大最受尊崇跨國企業」榜上有名嘅仲有排名跳升10級至第4位嘅英特爾、「常客」諾基亞及日本電子業巨企索尼等，而能夠打入「十大」嘅非科技業企業，只有排名第8及第9嘅華特迪士尼及強生。值得一提嘅係，滙控（00005）及渣打（02888）分別排第28及50位。
兩岸三地都有本土嘅No.1，分別係阿里巴巴（01688）、國泰（00293）及台積電，喺大陸及台灣嘅「十大」之內，好多都係與科技及網絡相關嘅企業，睇嚟呢類企業真係大把前途。
余絲韻