平保（02318）呢排忙緊處理入股深圳發展銀行嘅事，嚟緊十一月一日就會開股東會，睇嚟都好大機會通過，完咗之後佢哋又會緊接喺下月五日於雲南麗江舉辦針對投資者及傳媒嘅開放日，介紹公司信託業務以及平安代理人嘅培訓體系，主持開放日嘅有平安信託董事長兼行政總裁童愷及平安壽險培訓部總經理鄭文珍。
講起平保嘅綜合金融，真係八足咁多爪，保險、銀行、信託及證券應有盡有，整合埋平安銀行及深發展之後，一定可以大展拳腳。
平安嘅代理人培訓系統更加引人入勝，喺內地咁多間主要壽險公司中，暫時好似都係以平保最好嘢，唔單只上半年新業務價值增長理想，而且人均代理嘅產能亦好高，即係話每名代理都帶到愈嚟愈多嘅生意畀公司。
余絲韻