滬綜指於長假後復市第二個交易日，再升2.5%，即使日本及台灣等股市已開始出現調整，然而，突破23,099點海嘯高位後的港股，完全無停步嘅意圖。恒指再升263點報23,207點，示範甚麼叫做超買唔代表見頂！
A股收市後，內地傳人行計劃再加銀行存款準備金率0.5%，到底A股市底有幾強，今日應該可試一試水溫。事實上，近期市場對壞消息抵抗力之強，是出乎預期，尤其當人行對人民幣升值立場軟化，熱錢湧入中資股的情況更甚，淡友不要就消息以求「減低損失」抱過分期望。
技術上升穿23,099點後，港股進入無阻力區，要將利潤放大，不妨選擇筆者近日方式，逐步將揸好倉止賺位上調，跌穿就平倉再部署，今日止賺位在23,100點。
今日賣地，肯定係港股焦點所在，令人有點意外，是測量師行的估價極為樂觀，估得極樂觀的成交價會否為市場帶來意外？今日會有答案，如果港股要借消息回吐的話，記緊留意下午賣地消息。
John Mullen
