孫奕朗掌港澳業務
今次係孫奕朗（Jeroen）首度來港工作，負責MasterCard港澳區一切業務嘅營運管理，Jeroen喺西歐及澳洲擁有15年電子支付及消費金融嘅經驗，嚟香港之前，佢任職澳洲西太平洋銀行消費金融總經理，今回嚟到有購物天堂美譽嘅香港出掌支付平台業務，可能又會係另一種挑戰。
絲絲相信，初嚟甫到嘅Jeroen未必有太多閒暇，不過唔知道佢嚟香港後，第一時間最想做乜嘢呢？絲絲就覺得，住慣外國嘅Jeroen不妨去吓全港最人多車多嘅旺角，感受吓車水馬龍嘅熱鬧氣氛，順便考察吓港人嘅購物模式，學佢哋嘅廣告話齋，呢種體驗無價！
余絲韻