南京買地搶先機
張華峰非常豪爽，佢會出錢請晒全公司嘅員工去南京同埋上海，實行玩足四日三夜。嘩，機票食宿全包，呢個老闆真係唔話得，如果佢請埋絲絲去就好啦。
眾所周知，張老闆喺九五年已經睇中南京嘅發展潛力，於是喺當地買入地皮，興建地產項目，難怪恒豐證券研究部董事林家亨（Simon）同絲絲講：「老闆不嬲都有個『南京李嘉誠』稱號㗎，我哋今次會先去南京睇老闆嘅豪宅，之後再去參觀上海世博。」
同員工有講有笑
點知Simon竟然畀張老闆潑冷水，反而話佢：「亂咁講嘢，咩都講得出口。」哈哈，絲絲見到佢哋成日講笑，可見二人賓主關係十分融洽。
余絲韻