近期最熱烘烘嘅新聞就係巴菲特與蓋茨去大陸，仲想與內地嘅富豪朋友見面宣傳慈善，不過據聞啲中國朋友怕一見面就要捐錢，所以有人索性唔去酒會。比亞迪不但親自邀請「股神」來華，仲會為佢安排好多行程，唔知比亞迪主席王傳福會唔會成為下一位募捐者呢？
行程揭露設家電基地
記得「股神」投資比亞迪簡直係點石成金，今次來華佢會參觀比亞迪嘅深圳總部、惠州及長沙基地、比亞迪嘅電池生產基地等，仲會參觀埋深圳寶龍嘅家電基地。王傳福早前喺業績會被記者追問係唔係搞家電時，仲好謹慎咁話未決定，不過從比亞迪今次公開「股神」嘅行程，就直接披露咗公司已設立家電基地，坊間對於比亞迪做邊種家電眾說紛紜，電視機、冷氣機都有傳過。
余絲韻