馬建堂日前喺研討班透露，統計局下一步要對六方面做改革，包括樓價、收入、失業率、住宅空置、中央及地方GDP嘅統計等。大家要留意，呢啲全部都係成日畀外界「詐型」話統計唔準嘅項目嚟嘅。
樓價統計盡快改革
馬局長美其言話，「公眾嘅關注及壓力，係統計局不斷改進嘅強大動力」。佢就以今年初公布去年70大中城市樓價上漲1.5%呢件事嚟做警惕，嗰次民情激憤，鬧爆統計局嘅數據「灌水」，佢哋從未試過咁大壓力，馬建堂仲日日要上網3、4次，仔細瀏覽公眾嘅「意見」。
佢都知道大家關注樓價，講明最快喺明年實施新嘅統計方案，又話會研究建立空置住房嘅調查辦法，總之大家唔滿意嘅，統計局今次都有做嘢。
余絲韻