國壽（02628）尋日喺香港及北京兩地開記者會，董事長楊超坐鎮北京，再次與大家緣慳一面。據講原來剛啱嗰次周年股東會，國壽都「Book」定四季酒店想喺香港搞，點知時間唔就改咗喺廣州搞，酒店又退唔到，所以今次業績記者會就一改平時喺金鐘區酒店搞嘅慣例，改去喺四季舉行。
計計埋埋，楊總都有好一段時間冇來港出席公開活動，記得之前嘅業績會又係以總裁萬峰為首，率領總精算師邵慧中及副總裁林岱仁，差唔多原班人馬來港介紹業績。
剛啱六月嗰陣，國壽本來諗好咗喺四季酒店搞股東周年大會，貪嗰度地方大，容納到多啲股東，點知各位高層真係太忙，好難齊集一起，最終嘅折衷方法就係喺廣州搞，一早「Book」定四季個場就冇得退，惟有遲啲至用，所以就留咗兩個幾月到尋日用嚟開記者會嘞。
余絲韻