有「基金小馬哥」之稱嘅東方匯理資產管理前大中華地區基金分銷主管謝汝康（Chris），喺離開咗東方匯理後，佢輾轉去咗某大金融機構任職投資服務主管，依家就放緊大假準備考博士，上周趁住假期與太太去旅行，咁啱又係揀咗康泰旅行團。
Chris話當時旅行社職員都有推介呢次發生港人遇害事件嘅馬尼拉團，話仲有2至3個位，不過佢對馬尼拉冇乜好感，最後揀咗馬來西亞團，就咁避過一劫。佢喺周一返港先知發生咁大件事，呢幾日都特別心翳。
Chris話雖然近年菲律賓經濟起飛，但當地人素質未有改善，好耐以前去嗰邊公幹時，要向海關畀過路費及咖啡費。第一次去馬尼拉時，當地治安都好差，落咗旅遊車後，通常都會有護衞尾隨團友，以防企喺最後嘅團友畀人擄挾。
余絲韻