教育Y世代正確理財
有乜嘢星級訪問？就係近期好紅嘅音樂監製趙增熹、歌手張繼聰、運動員余翠怡及立法會議員陳淑莊等，佢哋會以閒談方式分享奮鬥史及理財心得。
Y世代係指八○至九五年間出生嘅年輕人，據知滙豐hkYFi網站反應良好，自六月份推出以來，已經有2.6萬人登記加入。
滙豐香港區個人理財業務業務發展高級經理鄭嘉雯仲同絲絲講，話喺過去一年，Y世代喺該行開設嘅綜合理財戶口數目按年增長達20%，睇到市場正在擴展，所以會繼續豐富呢個網站嘅內容，以及下月喺大學舉行一連串活動。據網站嘅股評人講，Y世代問嘅問題有質素，關注層面唔淨只炒股，佢希望透過網站全方位為Y世代灌輸正確嘅投資理財態度。
余絲韻