期指觀瀾：小注做好博反彈
缺乏新消息刺激，又等美國經濟數據出籠，港股昨日呈現膠着狀態，恒指全日高低波幅不足一百點，最後微跌22點收報20,612點，即月期指轉倉轉得七七八八，由平水轉為輕微高水15點，收報20,627點。
藍籌業績期已過，港股後市只能睇實外圍市場。大市波幅雖窄，但九月份期指昨日即市三次下試20,480點樓下，亦能重上20,540點樓上收市，可見市況雖傾向偏淡，可是大戶同樣無把握在缺乏消息支持下，貿貿然向好友重要防線20,388至20,433點推進。不過，俗語話不入虎穴焉得虎子，明知數據當前未可盡掌握，但華爾街分析員的預測，傾向會出現較差的經濟數據，筆者決定冒險，昨以四分之一注在20,520點買入九月期指好倉過市，博最終數據符合或優於預期，超賣情況會先來一次修正。
恒指20,920點阻力唔細，今日會按數據表現隨機應變，但筆者初步計劃，把食胡目標訂在20,690至20,815點之內。
John Mullen