曾經做證監會副主席做到九七年底，之後又出任中證監顧問、上交所副理事長等監管機構要職嘅吳偉驄，喺今年初上任貿易通（00536）行政總裁。雖然佢人已「回流」香港，但佢喺內地嘅人脈依然強勁，仲有擔任一啲重要嘅公職，其中一項就係擔任中証指數有限公司指數專家委員會嘅主席。
大家都知，中証指數公司係編製內地主要指數嘅公司，即係好似香港嘅恒生指數公司，地位不同凡響。吳偉驄出任中証指數公司嘅指數專家委員會主席，可見佢喺內地仍然好吃得開。
睇番呢個中証指數公司指數專家委員會，成員全部都係境內外嘅專家以及知名學者，好似有社保基金、國壽（02628）及外資大行等嘅代表，吳偉驄能夠坐正做呢個委員會嘅主席，都算為港人爭光！
余絲韻