期指觀瀾：有勢轉強逢低做好
昨日期指開20,340點，長倉建議無法如願買到，唯一安慰是港股走勢開始「正常化」。恒指升222點報20,487點，期指高水48點報20,535點。
其實連日來，一眾客觀因素，港股一早應該轉強，君可見三個月港元拆息，由六月底高位0.57厘，回落三成五去到0.37厘，熱錢有再度流入迹象，港股假如糾纏在20,000點附近，繼續遠離六月反彈浪高位20,957點，反而不合理，更令市場對後市無所適從。
當然，A股轉勢幫到港股唔少，近期愈來愈多大孖沙估計，中國股市今浪的「政策底」可能已經出現，即使未，由A股市盈率去到14倍貼近歷史低位，以及人行下半年再開水喉，中港股市即使未見底，也必離底不遠。
期指已升穿短炒目標20,450點，大市也逼近敏感三角形走勢的突破時刻，深信今浪現貨及期指浪頂，應該高於六月的20,957點及20,993點，本周餘下時間，筆者會由炒即市轉為逢低揸長倉的策略。
John Mullen