絲絲知道嘉利國際去年為咗留住員工，改善咗員工膳食及工作環境，又增加唔少福利及獎賞，例如每季舉辦幸運大抽獎，獎品包括轎車及現金獎等，仲有機會免費內地旅遊。另外，為咗令員工有啲寄託及娛樂，又安排鵲橋會等嘅相睇活動，仲搞埋員工集體婚禮，請埋佢哋喺鄉下嘅父母嚟參加，真係無微不至，怪唔得依家集團冇咗缺人嘅問題啦！
增加員工快樂指數
主席何焯輝話希望用「人性化」嘅手法去管治，增加員工嘅歸屬感及工作快樂指數，但計吓數，咁就用咗十幾廿萬去娛樂員工。絲絲認為係值得嘅，咁樣啲員工都唔捨得走人喇，因為喺度會有多啲機會搵到另一半喎！
余絲韻