所謂久守必失，內地股市守咗成個月在橫行區，尋日終於急跌，拖累港股午後跌勢加劇，恒指跌逾400點。投資氣氛急轉直下，幸好詩詩近日見大市鑊氣唔夠，加上晚晚陪男友睇波，甚少入場炒作，總算執番身彩。
廣深鐵路（00525）於六月十八日起，廣深線列車的每張票售價調高5元人民幣。按其○九年運輸旅客達3,349萬人次計，票價上調每年可為集團帶來額外逾億元的人民幣票價收入。
睇番廣深鐵對上一次加價已係○七年四月，今次加價亦合理，通脹因素令成本上漲，有足夠條件調高票價。以現價計市盈率約12.6倍，市帳率0.7倍，相對全球同業有明顯折讓，而相對其歷史中位數則有18%至22%折讓。基於廣深鐵現估值偏低，今年盈利預期有良好增長，可趁低吸納，目標價3.15元，穿2.67元止蝕。
詩詩