攀喜馬拉雅為慈善
路沛翹喺會計師公會刊物《A Plus》分享旅程嘅驚險及風光，佢話最近率領一行四人到尼泊爾行山17日。
喜馬拉雅山海拔高8,848米，路沛翹最終只行到5,545米，佢承認再行上去實在太危險。唔講唔知，每10個嘗試征服喜馬拉雅山嘅人，就有一個死亡。「當你行上山時，有兩個地方放咗為喜馬拉雅山犧牲嘅人而設立嘅紀念碑，我睇見當中一個只有21歲，我實在唔想自己成為其中一分子。」
佢攀山係希望可以做慈善，造福社群，今次佢就籌到15萬元，其中一半會用作幫助布吉島嘅孤兒學習英文，另一半就幫助由4名爬山者各自提名嘅機構，佢自己就選擇咗幫助香港吸毒及酗酒嘅年輕人。
余絲韻