滙豐自○○年開始舉辦「滙豐青年企業家獎」，今年度嘅亞洲區總決賽首次衝出香港，移師馬來西亞舉行，參加隊伍共有一千零六十二隊，逾二千六百名大專學生來自六個地區，決賽已於日前圓滿結束。
雖然本屆唔喺香港舉行，但最高榮譽大獎就由來自香港嘅兩名城市大學學生奪得，贏得十萬元嘅滙豐商業發展基金。至於佢哋憑乜嘢創意得獎，絲絲相信講出嚟都唔係好多人理解得到，呢個係關於轉基因魚測試方法嘅創新商業計劃，建議利用一種轉基因魚（Transgenic Fish）進行有關食品、藥物及化妝品等消費者產品嘅測試。
第二名嘅鑽石獎由孟加拉代表奪得，佢哋嘅商業計劃係利用生物碳技術以減少使用肥料，又可提高土壤嘅質素；菲律賓代表就奪得第三名嘅翡翠獎。
余絲韻