尋日絲絲去咗新股創生控股（00325）上市儀式，咁啱撞到為數6至7人嘅農行參觀團喺港交所（00388）視察。參觀團由一名農行主任級管理層率領，聽講佢哋去港交所嘅主要目的，係研究農行下月中在港掛牌時嘅細節。
睇工行照片研度排位？
最有趣嘅地方，就係農行代表尋日抵達港交所後，首先行去一處掛有當年工行在港上市儀式留念照嘅地方仔細端詳一番，其中主任級管理層更指來指去，好似喺度研究農行掛牌當日管理層嘅排位。絲絲都去過唔少上市公司掛牌儀式，當中又以國企最大陣仗，嘉賓及管理層嘅排位好講究。估唔到工行除咗業務發展上被同業睇到實之外，就連佢哋當年嘅上市安排都甚具參考價值！
余絲韻