絲絲講場：新地優質建築三連冠
新鴻基地產（00016）憑藉卓越嘅建築質素，連續三屆奪得「優質建築大獎」至高殊榮，旗下新加坡商場項目ION Orchard及沙田城市藝坊，分別贏取「境外建築項目」最高殊榮及「主題社區設施」優異獎。
「城市藝坊」備受讚賞
「優質建築大獎」兩年一度舉行，由香港9個專業學會合辦，獎項評審相當全面，評審委員會就物業品質、設計及創新、成本控制、環境持續性、顧客滿意度、落成後嘅日常運作及維修保養等，全方位作出評分。比賽今年新增「境外建築項目」大獎，新地嘅合資項目ION Orchard奪得至高殊榮；新地嘅藝術社區項目「城市藝坊」亦於「優質建築主題社區設施」脫穎而出，奪得該界別嘅優異獎最高殊榮，評審讚賞該項目成功為戶外藝術空間開創先河，罕有地集合咗政府、商界及文化藝術界三方力量，攜手將多件創意澎湃嘅裝置藝術，渾然天成地糅合於戶外休憩空間。集團旗下嘅壹號雲頂同樣備受讚譽，獲選為住宅優質項目之一。
余絲韻