上名嘴節目有成效
名嘴主持奧普拉都係有錢人，有人覺得佢會比較理解高盛嘅運作，而且阿拉斯加前州長佩林之前都成功利用名嘴節目洗底，奧普拉亦冇對佢窮追猛打，所以上呢個節目都有一定成效。不過以依家情況嚟睇，布蘭克費恩上節目嘅機會唔係太大，而高盛就計劃首次為提升形象而推出一系列廣告攻勢。
高盛要提升形象嘅一大挑戰，係佢哋嘅客戶都係機構投資者，零售投資者就冇乜，一般大眾接觸佢哋都係靠新聞，所以好難透過日常接觸改變大眾嘅睇法。據統計，依家高盛嘅形象只係僅僅好過出咗事嘅英國石油，唔快啲諗計搞搞佢，第日後悔就太遲。
余絲韻