於四月中獲李寧聯同兄長李進宣布動用7億元入股的快意節能（08032），當時在名人效應下，股價迅即攀升，最高見0.57元，其後股價一直受制於0.5元而停滯不前。但事實上，在這段期間，背後卻有唔少基金密密吸貨，而且大部分都係唔現身的主動買盤，值得密切關注。
事實上，快意節能獲李寧入主後，一直惹來無限憧憬。皆因唔少投資者都揣測快意未來業務，到底會繼續從事綠色能源業務，抑或再作其他打算。雖然至今仍未有定案，但無論結果如何，市場想像空間非常龐大。
走勢上，快意股價自早前由高位0.57元回至0.33元，料已震走唔少散戶，故只要突破0.5元這短期阻力，炒上應無難度，0.5元樓下可小注一博。盤路上，集團每日主動買盤亦見強勁，以昨日為例，主動買盤就達2,679萬股，主動沽盤只有1,875萬股，故背後買家一旦儲齊貨，爆發力將非同小可。
（小尾）