絲絲講場：郭氏基金助內地生學法
新鴻基地產（00016）郭氏基金近年做咗好多與教育相關嘅資助計劃，好似去年與香港大學合作成立「新鴻基地產郭氏基金香港大學法律獎學金」，撥款250萬元資助內地學生喺港大接受法律碩士培訓，學習普通法、公司法與金融法等範疇。
首批13名內地生經過一年培訓，近日已完成普通法碩士課程及其他碩士課程。日前舉行嘅畢業酒會上，內地生感謝郭氏基金嘅捐助，新地郭氏基金執行董事郭婉儀亦親身到場，頒贈獎狀予以嘉許。郭小姐對於畢業生能夠學以致用深感高興。
迄今資助逾3億元
郭氏基金喺○二年成立，旨在推動內地教育長遠發展，至今已喺內地超過15間大學及地方教育局設立獎助學金，另成立海外留學獎學金。郭小姐話，基金迄今資助逾5,000名學生攻讀博士、碩士及本科學位，總額達3億多元人民幣。
余絲韻