全球展覽業競爭激烈，香港有展覽之都嘅稱譽，喺呢方面真係要落好多功夫。會議展覽中心嘅中庭擴建工程喺去年初啟用，擴建部分為會展中心增加四成二嘅展覽面積，即約一千個標準展位，該工程憑藉優質建築設計以及對香港會展業嘅貢獻，獲頒發「二○一○年優質建築大獎」。
大獎嘅評審委員會給予會展擴建工程高度評價，認為工程十分複雜，選址擴建時要克服極大嘅掣肘，工程需要懸於水面及馬路上，採用反傳統嘅由上而下嘅「倒吊」方式興建；項目為展覽中心增加近一半嘅展覽面積，更令人讚嘆嘅係工程設計完美無瑕，將會展第一期及第二期建築「無縫」地連接起來。
貿易發展局總裁林天福同絲絲講：「呢項工程令香港保持貿易展覽之都嘅地位，會展中庭擴建於去年四月落成啟用，雖然經濟氣候不穩，但多個公眾展覽及貿易展覽嘅規模仍進一步擴大，由此可見，香港對展覽設施嘅需求幾咁殷切。」
余絲韻