絲絲講場：新地亞洲最佳7連霸

絲絲近日遇見新鴻基地產（00016）執行董事及首席財務總監陳國威，佢四萬咁嘅口同絲絲講，新地喺亞洲財經雜誌《FinanceAsia》舉辦嘅「2010年亞洲最佳公司選舉」中，再度獲選為「亞洲最佳地產公司」，今次已經係新地第七次獲取呢項殊榮。

根據最新嘅公布，新地喺香港區分別獲得多項殊榮，包括「最佳管理公司」、「最佳企業管治」、「最佳投資界關係」及「最致力維持優厚派息政策」。

今年嘅「亞洲最佳公司選舉」係《FinanceAsia》第十年舉辦，一共邀請逾300名來自亞太區嘅投資者及分析員參與評選，佢哋根據企業嘅整體管理、企業管治、與投資界關係及派息政策等方面為多間機構評分，新地喺各項範疇均獲高度評價。

余絲韻