承蒙老編邀請重出江湖，自當傾力以赴，另一原因係因為○三年推出處男作《電子財務學》，內容都係用當年在《東方日報》刊登的文章「炒埋一碟」，今次小弟出山好希望以中立角度，以自由創作為宗旨，想講就講真係爽。
言歸正傳。○三年IT行業起飛，當時港交所（00388）使用嘅交易系統制式為AMS 3.0，已較舊版本AMS 2.0有無限嘅發展。上周港交所宣布一一年推出AMS 3.8，以每秒處理1.5萬個買賣盤、傳送滯遲減少至10毫秒為賣點。同時直通車號角吹響，中國外匯管理局資本項目管理司副司長孫魯軍話，一○年將繼續穩妥推進資本項目可自由兌換，研究准許個人開展境外企業投資，及允許人民幣在資本項目下的業務開展等，無疑是對外匯管理制度的突破。
如果要推行港股直通車，唔使講都知要先解決內地投資者教育及風險管理兩大問題，但唔係咁易做到。祖國富起來，有一大堆「神奇富豪」出現，據小弟研究所得：「內地富豪分九種，心理形態各不同。」請留意筆者以後的文章啦。AMS 3.8與直通車「前後腳」出現。又準備為388留下點子。我話嘅：「牛三必備388！」
香港大學電子金融服務榮譽助理教授 徐燦傑