喺好多電影橋段裏頭，周不時見到世界各地嘅領袖會聚集一起開秘密會議，原來現實世界真有此事，絲絲睇到一篇報道話，原來每年真係有一個精英階層嘅秘密會議舉行，呢個神秘會議叫「彼爾德伯格會議」，呢個會議並冇官方網站，亦唔會發表任何聲明，更唔好期望會邀請傳媒報道。
聽聞獲邀出席呢個會議嘅人非常猛料，咁多年嚟只有博鰲亞洲論壇前秘書長龍永圖及中國戰略與管理研究會副秘書長張毅呢兩名中國人曾獲邀出席，都咪話唔巴閉。
但愈神秘就愈惹人興趣，原來有記者已追蹤咗呢個會議十幾年，近兩年好似《衛報》、《泰晤士報》等大報亦開始有限度咁報道有關彼爾德伯格會議嘅新聞，據報今年會議剛喺尋日結束，舉行地點係西班牙一個以同性戀者聚集聞名嘅小城——希特格斯（Sitages），據悉今年連美國總統奧巴馬都有份出席，果然唔嘢小。
余絲韻