單偉建喺九九年帶領新橋收購南韓第一銀行，並於一年內扭虧為盈，喺○二年又帶領新橋團隊入主深圳發展銀行，以至將深發行控制權售予平保（02318），單偉建不但為新橋與TPG帶來巨額盈利，仲令到佢喺私募基金業內打響名聲。
離任TPG合夥人
據單偉建講，佢正式離任TPG合夥人後，仍會喺未來一段時間為TPG出任高級顧問，並繼續出任TPG所投資部分公司嘅董事。不過更重要嘅係，佢計劃成立一個新基金，基金投資範圍唔單止限於中國市場，更將以整體亞洲市場為目標，並可能會關注收購交易，以佢嘅背景與經驗，肯定會吸引唔少投資者捧場。
余絲韻