呢個由康文署及7個政府與專業團體合辦嘅「2010最佳園林大獎」，評選作品包括住宅及商業物業。長實旗下嘅港基物業管理攞到嘅獎，包括中環中心嘅園藝保養金獎、嘉湖山莊美湖居及翰林軒嘅優異獎、慧景軒及灝景灣嘅園林設計優異獎。
提高物業綠化意識
新地旗下的壹號雲頂憑藉廣闊園林及垂直花園，奪取最佳園林金獎，上水奕翠園都攞到金獎，聚康山莊就奪得園藝保養金獎，九龍貿易中心獲園景設計金獎，新城市廣場一期更同時獲得園景設計及園藝保養優異獎。
呢個選舉每兩年搞一次，旨在表揚傑出嘅園林設計及園藝保養，藉此提高綠化意識，評選準則主要考慮外觀美感、可持續發展及使用者參與等。
余絲韻