宴會充滿紅酒Feel
王朝酒業主席白智生透露，嚟緊九月會喺天津基地「酒堡」搞大型慶典活動，到時除咗會有千人宴，仲好有新意咁搞個「王朝紅酒電影節」。
絲絲聽講電影節入面包括有6部與紅酒有關嘅電影及歌曲，仲係由一班專業評審團揀出嚟，再加上佢哋自己會製作一段激光電影喺宴會上播放。白總開玩笑話，就好似《酒乾倘賣無》呢首歌都好應景，總之務求令當晚充滿紅酒Feel，個個賓客都「不醉無歸」。唔講唔知，白總好鍾意睇戲，仲話依家好多中國電影好似「白開水」咁，只係可以一時解渴，冇得回味咁話！咁有研究，莫非呢個電影節嘅噱頭都係白總諗出嚟嘅？
余絲韻