賀安卓喺四年前唔單只準確預測出意大利贏得世界盃冠軍，連8強中嘅6強都估中埋。不過佢對兩年前歐國盃嘅預測就唔係好靈，歐國盃較難預測嘅原因在於各隊勢均力敵。賀博士強調，預測必須小心為之，而運氣及專業知識至少同樣重要。
研非洲經濟先係主菜
佢喺啱啱出版嘅「瑞銀投資者指南特別版」報告中，除咗預告賽果之外，仲做咗唔少有關非洲經濟嘅研究，顯然係因為今年世界盃喺南非舉行。報告話非洲嘅經濟產出仍然較低，整個非洲大陸嘅市值只係瑞士股市嘅三分之一，不過非洲經濟發展令人驚嘆，中國已成為非洲最大嘅外國投資者之一。非洲人口佔全世界嘅15%，增長趨勢依然強勁，過多幾年好可能佔到20%嘅份額。
余絲韻