有超過兩成二嘅ＭＢＡ畢業生選擇谷歌為最理想僱主，原因係谷歌員工福利優厚，除咗為夥計提供免費膳食，仲提供免費健身班及學費津貼等；此外，谷歌嘅國際知名度以及崇尚創意嘅工作環境，亦係一大賣點。
麥肯錫屈居第二
有一成半嘅ＭＢＡ畢業生認為麥肯錫先係最佳僱主，因為麥肯錫係「ＣＥＯ工廠」，能成為其僱員等同揸住半張「ＣＥＯ入場券」。歷年來有逾一千名企業舵手曾於麥肯錫就職，當中一百五十名ＣＥＯ於年均銷售額逾十億美元嘅公司「揸弗」，難怪令ＭＢＡ畢業生趨之若鶩。
高盛近期形象插水，但仍有一成四嘅ＭＢＡ畢業生希望投身高盛，排名仲較去年升一級，就算高盛畀美國證交會（ＳＥＣ）指控欺詐，公司依然咁受歡迎。
余絲韻