蓋特納外遊嗰陣與當地人打波都唔係第一次，當年佢去印度都有同人打番場曲棍球。蓋特納玩體育出名好掂，佢嘅舊同學及老友都好清楚，佢涉獵嘅運動項目唔單止籃球及曲棍球，仲有網球、足球、跑步甚至滑雪。
政界指強項跑得快
由於乜嘢運動都識玩番兩手，蓋特納喺工作嘅地方都有參與唔同球隊，好似當年仲做緊紐約聯儲銀行行長嗰時就參加咗籃球隊，九十年代喺財政部做嘢嗰陣，就係壘球隊嘅成員之一。
有政界人士就話蓋特納嘅強項之一係跑得快，雖然佢身高只有5呎8吋，但係速度搭夠，控制個波嘅能力亦好好，如果單從外表睇，輕視佢實力嘅人就錯晒嘞！
余絲韻