疫症爆發即要隔離
話說日本宮崎縣出現咗口蹄症，而且迅速擴散，令當地要撲殺幾十萬隻豬牛，連最出名嘅和牛宮崎牛，都殺剩得番6隻優秀種牛。Stanley講起歐債危機，就話其實金融市場與畜牧業好相似，一爆發疫症就要隔離，話風一轉，佢對於得番幾隻宮崎和牛感到不勝惋惜，恐怕連剩番呢幾隻都保唔住。
Stanley仲話有金融海嘯前科，好多美國官員都寧願當年出手救雷曼兄弟，因為如果唔救佢哋代價仲大，所以認為歐盟亦都一定會救希臘，如果唔係就一定會付出好大嘅經濟代價，而依家歐債危機再進一步惡化嘅機會已經唔大。
余絲韻