李氏大藥廠（08221）終於轉板，行政總裁李小羿當然開心啦，李博士今晚已經喺馬會訂咗位，實行與成班同事慶功，仲專程由杭州運嚟12支茅台助興。
好可惜李博士唔諗住「不醉無歸」，佢笑笑口話自己有秘密武器傍身，之唔係自家針劑囉，原來有呢隻藥「打底」，隨時變酒筲箕都得，仲要萬試萬靈添，食好小量已經OK。
回想喺創業板嘅歲月，佢話公司喺創業板登陸足足有成8年時間，股價由當初嘅4毫低位升到依家嘅4蚊，名副其實「升價十倍」，市值更由1億元跳升到超過18億元，都算對股東有所交代。不過，李博士並未有因勝利沖昏頭腦，佢話希望喺未來8年，公司都可以保持到咁嘅成績，最重要係畀到股東差唔多嘅回報水平。
余絲韻