遠地嗰邊就話，公司係特登一早開會，預多啲時間畀小股東問夠為止。
畀小股東問到夠皮
咁小股東究竟最關心啲乜呢？原來佢哋最想知道，有啲內房股嘅大陸樓盤開始減價，遠地會唔會減埋一份？管理層好耐心咁逐一回答，小股東又非常踴躍發問，結果成個答問環節足足玩咗45分鐘。
遠地嘅IR（投資者關係部）靚女仲話，小股東問嘅問題，其實與機構投資者或分析員嘅提問大同小異，非常專業。
絲絲都覺得，依家啲小股東出席股東會，唔係淨係為咗喺酒店食點心，而係真心想與管理層溝通吓，了解多啲公司嘅運作，希望上市公司都效法遠地嘅做法，唔好淨係應酬基金股東，都畀多啲時間與小股東溝通啦。
余絲韻