人行再調高存款準備金率，進一步收緊銀根，加上美股上周五顯著回落，拖累昨日亞太區股市下跌。港股跌逾1%，恒指險守20,800點水平，成交相當薄弱，不足500億元。二三線股仔個別發展，詩詩見市況偏弱，未有買入國中控股（00202），錯失跌市搵錢機會，其股價逆市走強，仲報收全日高位，睇樣未升完。
去年底及今年初兩度配股的榮盛科技（01166），公布有執董辭任，主要係較早前已完成出售舊有電源線業務。舊班子進一步淡出，估計榮盛易手已接近完成，唔排除新殼主隨時行使CB，正式入主榮盛。公司於去年十二月，以總代價15億元，向獨立第三方收購位於蒙古的礦場全部權益，並按每股0.15元發行三年期可換股債券，全面行使後，新股東將持股逾八成，擺明係賣殼安排。
其後榮盛分別在今年一月及二月，再以0.12元及0.1元配股集資，目的同樣用作收購該蒙古金銅礦。雖然榮盛暫未落實有關收購時間表，但隨着公司陸續出售舊有業務，計及虧損已在上年度全數入帳，相信離正式變身日子不遠。其股價曾於上月初炒上0.18元水平，其後回落至0.1元附近，此位為近兩個月的橫行區，現價買入再跌風險有限。
詩詩