CEO傳削職料退休
其實專責拓展私人銀行業務嘅「賓卡」都好慘，因為呢場金融海嘯可謂係天災，冇人能預測得到，相信銀行亦唔想客戶輸錢，自己輸錢就更加唔想喇。
最近有小道消息流傳，話香港有位有份負責集團私人銀行業務嘅「賓卡」，會被剝奪負責私人銀行業務嘅職權，但係會繼續擔任香港CEO嘅職銜，據講呢位「賓卡」任職嘅集團就會派番自己人處理呢個咁具潛力嘅私人銀行業務。
正因為呢個集團有咁嘅安排，佢哋內部已經盛傳呢位「賓卡」應該做唔長，好大機會退休離場。
其實早啲退休都好吖，好多「賓卡」退咗休之後，成個人都精神爽利晒，最佳例子莫過於任總，佢退休後笑容多咗好多，連頭髮都黑咗啲。
余絲韻