一套《阿凡達》電影令3D立體熱潮席捲全球，唔單止係電影、卡通片及電視，就連上市公司嘅年報原來亦可大玩3D，好似華創（00291）新發出嘅年報，就特別用上3D立體技術做封面，寓意公司透過零售、飲品與食品加工經銷三大業務作全方位發展！
華創落重本印製年報，當然唔係為咗趕潮流貪新鮮，事關今年係華創完成業務重組，並正式定位為純消費品企業嘅第一年，而年報嘅3D封面就正正係要向投資者顯示，華創三大核心業務所擁嘅領導地位早已準備就緒，為公司與投資者帶來更好嘅成績。
講番呢本年報嘅封面，其所展示都係華創旗下三大核心嘅不同業務，據知單係拍照，並以3D印刷技術重現呢啲業務照片，前前後後就用咗三個星期時間製作，所以當大家有機會收到呢本年報，就不妨花多啲心思了解當中嘅含義。
余絲韻