Miranda以前與建行總行嘅同事傾過,都明白做「第一把手」同「第二把手」嘅壓力始終唔同,如今做咗CEO,感受到壓力真係大咗,不過唔覺辛苦,反而好興奮同好享受,因為做CEO係佢一直以嚟嘅夢想。
長假留港順利交接
Miranda話佢大學畢業之後就加入美國銀行,一直做到美銀亞洲畀建行收購,演變為建行亞洲,期間佢做過好多唔同嘅部門,包括首席風險官、首席信貸官及高級副總裁,所以好熟悉部門之間嘅運作以及協調,都係自己嘅一大優勢。
建行亞洲前行政總裁馬志文卸任之際,適逢係復活節大假期前後,Miranda話為咗交接都唔敢放假去旅行,留番喺香港做準備工夫,認真唔話得。
余絲韻