倘非真實 佢係受害者
尋日業績會上第一條提問嘅問題,就係楊總學歷認受性嘅問題,蒙牛首席行政官盧建軍回應話,楊文俊嘅MBA學歷係完成咗所有課程,並取得證書,至於其MBA所屬大學嘅認受性如果唔真實,楊文俊亦係「受害者」,因為佢只係普通老百姓,唔可能知道所有學校嘅真實性。佢又稱讚楊總作為蒙牛創辦人之一,已有超過20年嘅行業經驗,佢修讀MBA都只係希望令公司嘅發展有新思維,同時提升自己。
對於較早時有報道指內地有學生飲咗蒙牛核桃奶而中毒,盧建軍亦回應話問題並唔係出於牛奶本身,學校亦已恢復供應,而政府正調查事件。
余絲韻