港交所（00388）前日開股東會，「爆冷」被股東否決有關書面決議嘅議案，不過，夏佳理連任主席就肯定唔會爆冷門。
港交所尋日公布，夏佳理續任主席兩年，身為主席嘅佢，有權收取50萬元作為服務酬金；夏佳理亦可以分別就其擔任常務委員會及薪酬委員會主席而獲支付5萬元酬金，所以佢喺港交所嘅年薪約為60萬元。
另外，夏佳理每次出席呢兩個委員會嘅會議亦可獲2,500元「車馬費」。
絲絲唔知常務委員會及薪酬委員會每年實際開幾多次會議，就當每月要開會一次計，呢兩個委員會嘅一年「車馬費」就合共有6萬元，都算係唔錯。
港交所向若干董事委員會嘅主席及每位成員（不包括執行董事）支付每年5萬元酬金，以往係未有嘅，係今年新加入。
其實其他交易所都有類似嘅條款，因為交易所出名好多會要開，所以股東前日亦贊成呢個議案呢！
余絲韻