身為滙豐中國翔龍基金（00820）嘅基金經理，陳淑敏與投資團隊一年要見大約800家公司，佢自己都要考察200至300家公司，嚟緊六月佢又出差，今次係去上海，順道睇埋世博。絲絲覺得基金經理每次出差，當然會入住5星級酒店，但今次陳淑敏想睇吓某啲酒店股旗下嘅平價酒店掂唔掂，所以會揀一啲好平民化，甚至可能平至200蚊一晚嘅酒店。
陳淑敏解釋話入住經濟型酒店係因為工作需要，可以由用家角度感受產品和服務質素，有助基金揀股。原來佢喺5年前都參加過名古屋世博，為咗睇當時風頭躉嘅機械人展館就排足5、6個鐘頭，所以佢都好驚今次要大排長龍。佢仲分析話，世博對A股嘅影響其實有限，例如係航空股，由於內地航空公司嘅市佔率較分散，即使多咗人搭飛機增加公司生意，對整體嘅盈利增長都唔會好顯著。
余絲韻